东方日报新闻   东方日报功夫茶 内地同胞自由乞　扫荡不力难止咳 【东方日报专讯】行乞，系犯法㗎，轻则罚款，重则坐监。之不过咁，大家有冇留意到大时大节大街大巷特别多乞儿？照道理讲，特区政府虽然无良啫，尤其系财爷曾俊华，每一份预算案都冇惠及Ｎ无人士，但系香港始终有一个号称系安全网嘅综援制度，穷极都冇必要抛头露面行乞博施舍。 为咗解开闹市乞儿特别多嘅谜团，本报记者做咗一次直击报道，答案原来系，乞儿绝大部分讲普通话！ 喂喂喂，内地同胞自由行已经衍生不少问题啦，家阵整多个内地同胞自由乞，中港矛盾会唔会进一步恶化㗎？你知啦，香港人爱心爆棚，对於老弱伤残慷慨解囊绝不手软，万一知道扶贫对象原来系职业演员，扮可怜博路人施舍几个发财钱，好伤感情啫。 内地同胞自由乞唔止人多，而且系集团式经营，丐帮头目近年来更加招揽四肢不全嘅残丐作为主打，利用天残地缺嘅可怜身世博取同情心。功夫茶点知系集团式经营？因为本报记者直捣黄龙，揭发油麻地有一间宾馆成为残丐大本营罗。 根据记者连日观察所得，肢体有不同程度伤残嘅残丐兵团川流不息游走於宾馆同闹市之间。宾馆作为落脚地，同时亦系避难所…