一来喺深圳好少有人听粤剧，二来寻日落雨，个阿伯应该系特登喺嗰度听，开到好大声。见到嗰一幕真系好感慨，深圳乜都有，又喺香港隔篱，但就冇咗嗰阵"广味"。但念真又觉得嗰阿伯有道理，听返粤剧嗰种韵味，又觉得好似返咗广州。

讲起粤剧，我父亲过身之前，每次去医院，都见到啲阿伯人守一部收音机。我就念，系唔系等呢班人死嗮之后，就再冇人去听呢啲曲调，然后，嗰个时代亦会随之被人遗忘呢。噉念落，就觉得好唏嘘。