回复：【爱诗咏远】◆新闻◆五月开拍新剧超能使者～

新劇拍到虛脫都Keep住笑　唐詩詠：我真係拍得幾開心
有乜開心得過同一班老友嘻嘻哈哈一齊開工？由唐詩詠、陳展鵬、陳山聰、林子善及劉穎鏇等主演、文偉鴻監製的新劇《超能使者》自5月開拍以來，眾演員不時於社交網晒開心合照，子善表示整個團隊都好團結，山聰亦坦言好享受今次拍攝過程。唐詩詠昨日也於社交網貼出花絮照，並留言：「髮型姐姐問我：『你拍呢套劇係咪拍得好開心？見你日日返工個樣都係笑嘅，唔係真係大笑，係內心發出來嗰種喎』諗一諗，成日係三十幾度高溫下拍攝，曬到變咗舊碳，拍到個人虛脫咁滯，然後返到廠拍，又凍到好似係雪地咁，又暖包又羽絨，但每日都係好想返工，我諗，我真係拍得幾開心 #超能使者 #呢班兄弟姊妹好正 #NT」不過拍攝即將來到尾聲，相信一班台前幕後都好唔捨得

刘颖镟惨被施暴　陈展鹏陈山聪伍允龙打到飞起
由艺人陈展鹏、陈山聪、姚子羚、唐诗咏、伍允龙及王君馨主演的TVB重头剧《唐人街》将于9月21日起晚上9时30分播出，该剧宣传片今日出街。
剧情讲述四十年代泰国唐人街的故事，为了守护家园，华人会团结起来。好打得嘅伍允龙、山聪及展鹏会一展身手，一众男艺人在开镜前**肌，而“打女”王君馨及姚子羚则功架十足，单看她们的装束，已甚有睇头。剧中每个角色都有不同的独家功夫、套路，认真唔简单。
至于刘颖镟今次于剧中没有太多动作场口，反而有一场被人于床上施暴戏，单看宣传片已感受相当紧张、好精彩。
而现时展鹏、山聪、王君馨、唐诗咏亦正忙于为同是文伟鸿监制的新剧《超能使者》埋尾，大家为《超》剧拍摄完毕，随即再次聚埋宣传《唐人街》呢！

《超能使者》煞科惨受阻！陈山聪矛头直指刘颖镟
呢几日天气都好唔稳定，点知今早天文台仲发出红色暴雨警告，有啲地方雨水都冇滴，有啲就狂风暴雨！正在拍摄TVB新剧《超能使者》嘅陈山聪就透露：“原本呢，今日怀住个兴奋嘅心情，准备差唔多杀青（煞科），同一班兄弟姊妹拍场好好嘅戏，点知…因为佢…因为佢…出面大雨到离晒谱…”仲指住一个嗌“走”，究竟佢系边个？原来系“雨神”刘颖镟呀！
同场嘅林子善都笑言：“张国强喺度，有时我都顶得住，佢喺度…真系顶唔住，佢都系返屋企吧啦！”唔知最后拍唔拍到呢？

王君馨拗柴 幸沒傷骨及舊患
香港文匯報訊（記者 阿祖）王君馨前日為新劇《超能使者》拍攝最後一場戲扭傷右腳，要坐着輪椅由護衛員推往去醫院，經過醫生初步診斷，沒傷及骨和七年前的舊患。
君馨昨日於社交平台貼上前日受傷及七年前受傷拿着拐杖的照片對照，並留言：「好感恩喺《超能使者》最後一個鏡頭先至整傷，任務完成全劇完！好感恩照完X-Ray知道骨冇事，如果唔係真係攤喺度六個月至一年！好感恩同一隻腳七年前腳腕嘅前韌帶有九成撕裂，我都擔心會唔會今次已經斷咗，醫生話今次前韌帶冇事，應該係傷咗側面同埋後面嘅韌帶，要等MRI出嚟再睇吓情況。好感恩下一套劇嘅監製導演，所有人都好遷就我呢個情況，可以比段時間我休息吓。令我可以有多啲時間準備好自己嘅角色，之後再同大家作戰！本來三日後要拍嘅MV，依（𠵱）家要完全cancel，心情都有點失落，但係又好感恩成個團隊畀我好多愛同支持，我相信有更多時間做好首歌，準備好自己，再做足D（啲）所有嘅pre-production，MV出嚟嘅效果會更好！希望大家畀多少少時間我，期待我下一個BB！」

王君馨脚伤坐轮椅　 孖唐诗咏开P惊现神秘男艺人王君馨（Grace）近日忙于拍摄新剧《超能使者》，原来套剧寻日开心煞科，当中梗系有Grace嘅戏份，不过Grace就自爆佢竟然唔小心伤咗只脚，行动不便加上要赶戏，可怜佢要揸住自己架“私家车”轮椅周围走，最惨嘅系佢冇得自己“开车”，要公司保安帮手推住佢去开工，认真唔方便。
不过镜头一转，同剧嘅唐诗咏就上载咗一张开P庆祝嘅合照，相中见到王君馨、唐诗咏、伍乐怡同刘颖镟四个女仔头贴头咁，一睇就知姊妹团又有新人脚，佢哋仲先后留言话系“一家人”，不过最令人有兴趣嘅系众人身后有块大镜，竟然倒映见到有位大只神秘男负责揸机，咁啱位男士只手就挡住自己个样，搞到一班网友系咁估到底系同剧演员，定系神秘男其实系四女之中某一位嘅另一半呢？不过睇见林子善上载当日开P嘅大合照，睇番套衫，原来系陈山聪咋！

一鳥Onebird ᴹᵃʸ ʸᵒᵘ ᵇᵉ ʸᵒᵘʳ ʰᵉʳᵒ, ⁿᵒᵗ ᵃᶠʳᵃⁱᵈ ᵗᵒ ˡᵉᵃᵛᵉ, ⁿᵒᵗ ᵃᶠʳᵃⁱᵈ ᵗᵒ ᵇᵉ ᵃˡᵒⁿᵉ.
愿你能成为自己的英雄，不惧离别不怕孤独