我转文字
09年无线两套压轴重头剧，《宫心计》和《富贵门》於本月 19日正式登场，而以「亲生仔女」挂帅的《宫》剧，更被无线高层在年尾台庆颁奖礼睇高一线。
摆明食《大长今》条桥的《宫心计》，同样讲宫廷尚宫众女勾心斗角，同样讲姊妹情决裂，同样 sell高贵靓衫。唯一唔同系冇靓景，事关无线近年缩皮，在睇餸食饭之下，《宫》剧监制梅小青惟有放弃出埠拍外景，将百万经费全数拨落戏服头饰上。
要数最贵行头，非奸妃杨怡莫属，事关中段已得宠做咗皇帝爱妃嘅佢，话咁快就搣甩粗布麻衣，靓衫靓头饰轮住换。虽然话系朱义盛，但十几套戏服再加廿几套头饰，总值超过廿万，相比寒酸宫女阿佘，杨怡奸得嚟矜贵得多！
一反以往播映重头剧传统，《宫心计》安排在头轮八点半时段，硬撼尾轮以外援助阵的《富贵门》。一知情人士说：「公司觉得以往八点半时段太着重啲轻松小品剧，收视长期得 2字头，希望《宫》剧可以推高收视。」可见《宫》剧被无线视为秘密武器。